هذه شخصيات لها انعكاس في شخصيتي كثير منها سيء وكثير منا ايجابي وليست بالظرورة تكون حقيقية
الشخصية الاولى : ( ع.س) المسطرة
وهذي عيارته او كما يقولون اهل الكويت "علوقه" لانه طويل ونحيف كأنه مسطره ذكي خدوم عبقري في اجهزة الكمبيوتر
من سلبياته النقد اللاذع اذا صك عليه احد.. يعطي معلومات تاريخية مغلوطة من راسه رجما بالغيب "صديق عزيز "
الشخصية الثانية : منو: (م.ع)
هذا انسان له مكانة خاصة جدا علاقتي معه تمتد من سنة 1412هـ ايام ماكان البقدونس شجر
واعي مثقف لا اعرف لماذا مازرع مدونة حتى الان .
الشخصية الثالثة :(س.هـ)
...
البقرة سامج مراوغ كان خفيف ظل الحين .. لا... أعذاره دائما واهية ومكشوفة لقب بالبقرة ان كان تذكرون جنون البقر كان
فيه حلقة في طاش ماطاش البقرة اللي قامت بالدور اسمها نانسي " الان تشتغل في شركةالمراعي لها راتب شهري 50صرة من الزت "والزت لغة: صرة من العلف"وهي تعمل بوظيفة بقرة حلوب نرجع لطاش كانت إذا تركوها في محل تلتفت عليهم بنظرة حزن وكان (س.هـ) يستخدم تلك النظرة لكسب تعاطفنا اذا ضحكنا عليه .
فلقب بالبقرة نكاية ببقرة ناصرا لقصبي وعبدا لله السد حان ويستخدم الإفتاء من رأسه وله لقب صديق المشاهير لانه يدعي ان له علاقة مع كبارالشخصيات العامة.. من افراد ومسئولين في الرياضة لسعودية هو قصيمي من القصيم يعني للأذكياء منكم والشخص القصيمي تقتله بس لاتعرف اسم امه وبما ان (س.هـ) قصيمي كنت محترم معه لكن بعدين غيرت خريطة علاقتي معه واصريت اعرف اسم أمه واستعنت بالكلب (صديق مشترك) وسترد تفاصيل شخصيته لاحقا قام بحيلة جعل(س.هـ) يعترف باسم امه عن طيب خاطر وكان اسمها منيرة ... وسبحان حصل ماحص لناصر القصبي في حلقة ولد منيرة عندما هاجر حتى لايضحكون عليه لان اسم امه منيرة صاحبنا (س.هـ) جلس شهرين لايكلمنا ويرد على اتصالاتنا لدرجة انه أسقطنا من دفتر صداقته الحين صار عدد زائد في دفتر اصدقائي عطيته ملفه وألغيت عقد صداقته معي
الشخصية الرابعة (ع.ع.س)
أو الشهير بالكلب صديق دراسة كما هو الدارج عند بعض الأقوام يحب المقالب اكثر من اهله بس بعد ما مرضت صار يحترمني وهو اللي فك شفرة (س.هـ) وجاب اسم أمه تم تلقيبه بالكلب لانه هماترك احد اعرفه وماعمل فيه مقالب كان يجيب قصص من راسه وكلها كذب وينسبها لي يقول فلان يقول
لي مواقف مع (ع.ع.س)
مثلا : كنت مسافر معه لأحد دول الخليج وكنا نجلس طوال الوقت في الفندق وكنا لانخرج وكنا نتملل من الجلوس وفجاءة قال لقيتها قال ألحقني ومشيت ورآه حتى وصلنا للاليفيتر "الاسنسير للي مايعرف"دخلنا وقال: اسكت لاتسوي شي قلت ليه؟ قال : بنتمتع نصعد مع الصاعدين وننزل مع النازلين نستمتع ونشوف الناس .
وفي نفس الرحلة طلعنا كنا بنروح لأحد الأسواق لكن بعيدوقنا راعي تاكسي وبمجرد ان سكرنا أبواب التاكسي وما بعد تكلمنا انطلق سائق التاكسي وكان ضخم الجثة من كبر حجمه كان يشوف الطريق مع الشباك وكان يمشي خفنا لا نقول له شي ويضربنا ويوقف عند اشارات بعد بالاخير قلت له: اخوي وين رايح؟ قال بوديكم لفندق المطار قلت مانبي فندق المطار حنا نبي نروح للفندق الفلاني قال بصوت عالي ليش ماتكلمتو من البداية ويضرب فرملة كأنه يمشي على جليد قال انزلومن سيارتي نزلنا بسرعه واللي قهرني ان (ع.ع.س) الكلب كان يقوله : شكرا واسفين وعلشان يرقعها قال ان سواق التاكسي سكرا ن. وله موقف طريف كان بيسافر من الرياض للطائف فلما كان بصعد من بوابة المطار للطائرة مشى خلال خرطوش البوابة خطوات بعدين رجع وسئل موظف الخطوط السعودية وقال: هذي الطيارة رايحة للطايف؟ فجاوبه موظف الخطوط: الاخ راكب تاكسي؟
الشخصية الخامسة( البطة ب.ر) :
موظف في شركة الاتصالات السعودية بس مشكلته ما هو واسطة دايم احد يتوسط له في تخليص أي معاملة له في شركة الاتصالات يزعل بسرعة ما اقدر اقول انه غبي بس عليه مسئولية ضخمه مايعرف القراءة الصحيحة كان يقراء لوحات محلات SUBWAY يقراءها عبودي عنده عقده في الكلام وفوبيا لان اغلب اصدقائه يحشرونه لو غلط بكلمة في النطق .
